БАЧИНЦИ – У Основней школи „Бранко Радичевич”, єй Подручней школи у Бачинцох, вчера отримана пригодна програма у рамикох Дзевятих „Поетских нїткох Меланиї Павлович”.
Госцинска на програми була поетеса Ирина Гарди Ковачевич з Нового Саду, котра школяром бешедовала о своїм дзецинстве и читала поезию з кнїжки у пририхтованю „Котульки и ґомбульки”.
Школяре котри як виборни предмет виучую руски язик з елементами националней култури рецитовали писнї по руски. Пририхтала их наставнїца Златка Сивч Здравич, котра пречитала биоґрафию Меланиї Павлович, а на програми присуствовали и школяре зоз сербского оддзелєня у Бачинцох.
Спред Дружтва за руски язик, литературу и културу о Меляниї Павлович бешедовала Ирина Папуґа, а з тей нагоди школяром придала и подзекованя Дружтва, та прикладнїки нашого часопису за дзеци „Заградка”.
По програми госци нащивели Етно-хижу, грекокатолїцку церкву и парохию у Бачинцох.
