КОЦУР – Як Рутенпрес дознава од коцурского пароха о. Владислава Раца, обиванє влажних мурох, як єдна з фазох гидроизолованя црекви, пошвидко будзе закончене.
Роботи окончую паноцове, члени церковного одбору, як и людзе добрей дзеки, а осторожнєйше ше роби на часцох мурох дзе драгоцини икони, хтори з часци буду очкодовани и будзе их потребне домальовац.
Як гварел парох о. Рац, нє мож прецизовац кеди роботи буду закончени. Пошвидко ше церкву почнє и пораїц, а Служби Божо ше под час роботох отримує у церковней сали.
