БЕОҐРАД – Министерство просвити, науки и технолоґийного розвою обявело конкурс за додзельованє школярских и студентских стипендийох и кредитох за школски 2016/2017. рок. Прияви за школярски стипендиї и кредити ше придава од 1. по 30. септембер, а за студентски од 1. по 31. октобер
За школярски стипендиї можу конкуровац школяре перших класох штреднїх школох, котри од 5. по 8. класу мали одлични успих. Школяре висших класох ше можу приявиц кед у предходних класох були одлични и мали прикладне справованє. Право на школярски кредит маю школяре тророчних школох котри ше школую за дефицитарни заниманя, пише у конкурсу.
За студентски стипендиї ше можу приявиц студенти од другого по шести рок основних студийох, як и студенти висших ступньох, котри такой по законченю основних студийох уписали висши ступень. Кандидати нє шму мац нєположени испити, а штредня оцена муши буц найменєй 9.
За студентски кредит можу конкуровац студенти котри перши раз уписали жимски семестер и нє одплацаю студентски кредит.
Школяре и студенти з чувствительних дружтвених ґрупох маю право придац вимогу же би були окреме ранґовани, по благших критериюмох.