РУСКИ КЕРЕСТУР – На нєдзелю, 3. юлия, у Руским Керестуре почина традицийни Ноцни турнир у малим фодбалє, так же по 2. юлий тирва и приявйованє екипох у просторийох СД „Русин” у Старей школи (кажди дзень од 20 годзин).
За змаганє мож приявиц сениорски екипи, екипи пионирох до двох катеґорийох – до першей бавяче котри народзени од 2002. по 2004. рок и до другей – народзени од 2005. по 2007. рок и младши, як и екипи ветеранох – за бавячох од 35 роки на вецей.
Котизация за сениорох 8 000, за младши селекциї 2000, а за ветеранох 4 000 динари по екипи.
Наградни фонд за сениорох за освоєне перше место 50 одсто од уплати плус 15 000 дин., за друге место 30 одсто од уплати плус 10 000 и за треце освоєне место 20 одсто од уплати и 5 000 динари. Окремни награди предвидзени и за найлєпшого бавяча, ґолмана и ґолґетера у шицких катеґорийох.
Змаганя буду на рукометним стадионє у Старей школи, перше ше будзе бавиц по ґрупох, а потим по куп-системи.
Шицки дополнююци информациї мож достац на телефони 060/41-66-194 (Борис Шайтош), 065/51-20-238 (Желько Орос) и 064/39-00-247 (Славко Ґовля).
