Од нєшка Еґзит

автор сен
1k Опатрене

НОВИ САД – На Петроварадинскей твердинї нєшка на 19 годзин почина 15. Еґзит, на хторим за штири днї и ноци на 20 фестивалских бинох наступя вецей як 700 виводзаче. Найпознатши мена на тогорочним Еґзиту то „Продиджи”, „Фейтлес”, Джон Нюман, Емели Санде, „Ману Чао”, „Кепитал Ситис”, „Хладно пиво”, Рамбо Амадеус и други.

3-Egzit-02

Орґанизаторе обчекую же кажди вечар на Фестивалє будзе од 40 000 до 50 000 людзох з вецей як 60 державох, а наявели же до Нового Саду приходза и пейц значни туристични аґенциї з Китаю, чийо представителє буду презентовац Еґзит, Нови Сад и Сербию на китайским тарґовищу. Ґу тому, под час Фестивалу будзе подписане спорозуменє о сотруднїцтве даскелїх городох и Нового Саду з обласци креативней индустриї и туризму.

3-Egzit-03

После фестивалскей часци у Новим Садзе, нащивителє предлужа забаву у Чарней Гори, дзе од 15. по 18. юлий на плажи Яз у Будви будзе отримани „Си денс фастивал“.

ПОВЯЗАНИ ТЕКСТИ