РУСКИ КЕРЕСТУР – Од нєшка починаю фахово едукациї за продуковательох паприґи, хтори и того року орґанизує керестурске Здруженє паприґарох „Капсикум анум”. Преподаваня буду кажди вовторок и штварток на 17 годзин у Ресторанє „Червена ружа”, а тирваю по 3. фебруар.
Теми на преподаваньох пошвецени продукциї паприґи, так же будзе бешеди о пестованю пресади, пресадзованю и допатраню паприґи, прикармйованю и защити з найновшима науковима досцигнуцами у тей обласци, а преподавателє буду визначни фаховци.
Нєшка свойо понуканя презентую подприємства „Савакоп” з Нового Саду, „Аґрофертикроп” зоз Суботици и „Хемикал – аґросава”.
Здруженє паприґарох поволує шицких заинтересованих же би присуствовали на преподаваньох.