РУСКИ КЕРЕСТУР – Од пондзелку, 14. децембра, у Месней заєднїци (МЗ) Руски Керестур (у канцелариї у спортскей гали) почнє уплацованє за новорочни пакецик. Уплациц можу поєдинци, як и подприємства за дзеци занятих роботнїкох, а цена пакецику 500 динари.
Як вчера догварене у МЗ, дзелєнє пакецикох будзе на заєднїцким дочеку Дїда Мраза 30. децембра у Доме култури, а пригодну програму за тоту нагоду пририхтаю Оддзелєнє „Цицибан” ПУ „Бамби”, Школа „Петро Кузмяк” и Дом култури.
МЗ вецей керестурским тарґовецким фирмом понукнє же би направели пакецик, а його змист и хто го направи, мало би буц познате початком идуцого тижня.