НОВИ САД – Од соботи, 16. мая, знова почню активносци на факултативним виучованю руского язика за штредньошколцох у Новим Садзе, а годзини ше буду отримовац як и пред тим, у Технїчней школи „Милева Марич Анштайн” (у Улїци Ґаґаринова ч. 1, у учальнї число 11 у прижемю).
За виучованє єст потенциялних вецей як 20 руских школярох зоз новосадских штреднїх школох, а викладац им будзе наставнїца руского язика Ванеса Медєши. Дружтво за руски язик, литературу и културу поволує школярох же би ше одволали у цо векшим чишлє.
Обновене факултативне виучованє руского язика за штредньошколцох посцигнуте зоз вельким закладаньом Дружтва за руски язик, литературу и културу, а най здогаднєме воно пред тим було запровадзене од 2006-2013. рок кед є претаргнуте.