НОВИ САД – У Предшколскей установи „Радосне дзецинство” у Новим Садзе од штвартку, 22. януара, знова почнє виучованє руского язика за наймладших Новосадянох. Виучованє язика будзе кажди штварток на 17 годзин у обєкту „Палчочка” (у улїци Бранимира Чосича ч. 40), а воспитно-образовни активносци з дзецми будзе отримовац вихователька Ивана Шарик.
Дружтво за руски язик, литературу и културу, хторе ше роками намага порушовац тоти активносци, окреме модлї родичох предшколских дзецох, котри нарок буду уписани до 1. класи ОШ, же би их приведли на тото друженє, понеже плановане и придаванє кнїжки „Роботни лїстки” з руского язика, хтори дзецом обезпечел Национални совит Руснацох.
Гоч новосадска Предшколска установа дала согласносц за отримованє воспитних активносцох по руски ище початком першого полроча, пре обєктивни обставини у самей ПУ „Радосне дзецинство”, то будзе витворене аж тераз.