СЕРБИЯ – Сербия, Чарна Гора, Македония и Босна и Герцеґовина подписали спорозуменє по хторим гражданє тих жемох од юлия 2015. року буду плациц нїзши цени роминґу, а у идуцих двох рокох цени буду ище нїзши.
Спомнути штири держави спорозуменє подписали у септембру 2014. року, по углядзе на Европску унию, дзе тераз интернет у роминґу 33 раз туньши, импулси у ЕУ туньши вецей як трираз, а поруки вецей як двараз. Пре туристичну сезону, перше знїженє будзе 30. юния того року, друге 1. юлия 2016., а треце 1. юлия 2017. року.
Телефонованє, СМС-поруки и интернет у штирох сушедних державох од юлия буду туньши за два до три одсто, гварел за РТС директор Реґулаторней аґенциї за електронски комуникациї и поштански услуги (РАТЕЛ) Милан Янкович.
Конкретно, то значи же одходзаци воланя, по терашнїм курсу евра, буду коштац максимално 35 динари по минути, приходни воланя 10 динари, поруки буду коло 11 динари, а єден меґабит интернету будзе коштац 86 динари.