НОВИ САД – На Департманє за математику и информатику Природно-математичного факултету у Новим Садзе на ютре, 3. децембра, починаю безплатни пририхтованя за примаци испити за будуцих студентох математики и информатики.
Програма пририхтованьох будзе витворена у трох циклусох – перши у наступних трох соботох у децембру, други циклус будзе од фебруара по април, а треци у юнию.
На ютрейшим першим преподаваню, од 10 до 14 годзин, заинтересовани штредньошколци дознаю основни информациї о упису на факултет и о примацим испиту.
Идуцей соботи, 10. децембра, буду интересантни преподаваня у рамикох манифестациї „Днї математики у Новим Садзе”, од 9 до 14,30 годзин.
На соботу, 17. децембра, од 10 до 14 г., буду отримани пририхтованя за примаци испит.
Преподаваня буду отримовани у Департманє за математику и информатику и Департманє за физику ПМФ, на Площи Доситея Обрадовича 3, а за присуствованє нє потребне приявйованє.