РУСКИ КЕРЕСТУР – Як то було у парохийох нашого Еґзархату, та шицких католїцких парохийох у Сербиї, и у парохиї св. Оца Миколая у Руским Керестуре вчера означена Нєдзеля Каритасу.
З тей нагоди парох о. Михайло Малацко на шицких Службох Божих у казанї наглашел яке важне нє лєм тот дзень, алє цали рок мац у шерцу чувство за ближнїх котрим потребна даяка помоц.
Керестурски парохиянє за тоту намену даровали пенежни прилоги до дзвончка, а на штирох Службох вєдно назберане 26 280 динари, цо за коло тисяч динари вецей як влонї.
У керестурскей парохиї нєшка на вечар почина и Крачунска дзевятнїца, хтору ше, як нєпоштредне пририхтованє за швето Рождества, будзе модлїц кажди вечар по вечаршей Служби Божей, хтора на 17 годзин.