ШИД – На спомин-памятнїку „Сримски фронти” при Адашевцох нєдалєко од Шиду, вчера означена 71. рочнїца од пребиваня сримского фронту – закончуюцих борбох за ошлєбодзенє жеми од фашизму у Другей шветовей войни.
Венци на памятнїк вецей як 13 и пол тисячи погинутим борцом Народноошлєбодительней войни, Червеней армиї и зоз жемох союзнїкох у мено Влади Републики Сербиї положел министер за роботу, обезпечованє роботи, социялни и борецки питаня Александар Вулин.
Министер Вулин наглашел же шлєбода урезана и записана до сербского народу и лєм шлєбодни народ може будовац шлєбодну и напредну державу, а тоти котри пред 71 роком дали свойо животи, борели ше за шлєбоду и за будованє єдней лєпшей держави.
Венци положели и представителє Войска Сербиї, СУБНОР-у, Покраїни, Општини Шид, армийох державох-союзнїкох у Другей шветовей войни и други.
З тей нагоди отримана и културно-уметнїцка програма, а на Спомин-памятнїк пришли борци и їх потомки з рижних часцох Сербиї.
OLYMPUS DIGITAL CAMERA