БИКИЧ – Делеґация локалней самоуправи, борецкей орґанизациї и Месней заєднїци Бикич, вчера покладли венци на памятнїк погинутим борцом у Другей шветовей войни означуюци 76-рочнїцу ошлєбодзеня валала од фашизму.
О ошлєбодзеню валала бешедовали Деян Бобаль, предсидатель МЗ Бикич и Йовица Степанич, предсидательо општинскей борецкей орґанизациї, а були присутни и Небойша Илич, помоцнїк предсидателя Општини Шид и Катарина Митрович, членїца Општинскей ради.
У бикичскей церкви на дзевец годзин Службу Божу служел парох о. Владимир Еделински Миколка, а потим и панахиду опрез памятнїка погинутим борцом.
