Означени Дзень ошлєбодзеня Нового Саду у Першей шветовей войни

автор сен
941 Опатрене

НОВИ САД – З нагоди 9. новембра, Дня ошлєбодзеня Нового Саду у Першей шветовей войни и Дня 1. бриґади Сухожемного войска Републики Сербиї, у Сербским народним театру вчера отримана Шветочна академия.

– То єден з тих дньох кеди славиме шлєбоду, здогадуюци ше на 9. новембер 1918. року и сам конєц Першей шветовей войни, кед шлєбода задуркала на дзвери Нового Саду. Нє велї городи на швеце прежили тельо страданя, алє и дожили тельо радованя як наш Нови Сад. Ми потомки вельких людзох котри шнїли и вивойовали шлєбоду у ровох, а найчежшу терху у тих войнох мали праве припаднїки сухожемного войска. Прето би датуми як цо 9. новембер – Дзень ошлєбодзеня Нового Саду у Першей шветовей войни и Дзень 1. бриґади Сухожемного войска Републики Сербиї шицких мали здогаднуц, а нови ґенерациї научиц, яка цена нєшкайшей шлєбоди – гварел на Академиї городоначалнїк Нового Саду Милош Вучевич.

Командант 1. бриґади Сухожемного войска РС бриґадни ґенерал Желько Петрович гварел же ше означує дзень кед шлєбода пришла до Нового Саду, шлєбода хтору принєсол народ.

На Шветочней академиї уручени и медалї хтори министер одбрани додзелює найзаслужнєйшим припаднїком Войска Сербиї, а у културно-уметнїцкей програми наступели даскельо музично-вокални состави.

9-Horod-02

ПОВЯЗАНИ ТЕКСТИ