Означени перши рок роботи Националного совиту Чарногорцох у Сербиї

автор апм
827 Опатрене

ВЕРБАС – У Вербаше пондзелок, 26. октобра,  отримана Шветочна академия з нагоди першей рочнїци снованя Националного совиту Чарногорцох у Сербиї (НСЧ) и 70-рочнїци колонизациї Чарногорцох до Войводини.

На Академиї присуствовали представителє локалних, покраїнских и републичних орґанох власци, представителє других националних заєднїцох, медзи нїма и предсидатель нашого Националного совиту Славко Рац, народна посланїца Олена Папуґа, госци з Чарней Гори и велї Вербащанє.

Госцох привитали предсидатель Општини Вербас др Братислав Кажич и предсидатель НСЧ Ратко Шоч, а предсидателька Координациї националних совитох у Сербиї Ана Томанова Маканова визначела же шлїдуюци крочай у витворйованю правох тей меншини у Сербиї муши буц запровадзованє чарногорского язика як службеного у одредзених штредкох.

6-CH-02

Предсидатель Покраїнскей влади Боян Пайтич наглашел значносц толеранциї и заєднїцкого живота националних меншинох у Войводини, а у мено влади Републики Сербиї щешлїву роботу Националному совиту Чарногорцох пожадал державни секретар у Министерстве державней управи и локалней самоуправи Иван Бошняк.

Амбасадор Чарней Гори у Сербиї Бранислав Мичунович Чарногорцом у Сербиї повинчовал два швета у истим датуме, а предсидатель Одбору за медзинародни одношеня и виселєнцох у Скупштини Чарней Гори Миодраґ Вукович визначел же Чарногорци у Сербиї вяза медзи двома державами.

6-CH-03

ПОВЯЗАНИ ТЕКСТИ