НОВИ САД – Предсидатель Покраїнскей влади АП Войводини Иґор Мирович, вчера придал контракт предсидательови Општини Шид Зоранови Семеновичови о додзельованю безповратних средствох за финансованє проєктох з обласци електронских комуникацийох и информацийних дружтвох за 2020. рок.
У сообщеню Општини Шид ше нє наводзи точни винос достатих средствох, а предсидатель Општини Зоран Семенович виявел же средства буду вихасновани за инсталованє видео надпатраня у ОШ „Филип Вишнїч“ и то у будинкох у Моровичу и Ямени.