РУСКИ КЕРЕСТУР – Школяре осмей класи ОШ „Петефи бриґада” з Кули прешлого пиятку у рамикох їх професийней ориєнтациї у Руским Керестуре нащивели Штредню школу з домом школярох „Петро Кузмяк”.
Пред наступним вибором школи за дальше штредньошколске образованє, школяре з Кули поопатрали Школу, єй кабинети, компютерски учальнї, физкултурну и фитнес-салу, а нащива орґанизована на инициятиву їх оддзелєнского старшини, наставнїци Єлени Шомодї з Керестура.