НОВИ САД – Концом прешлого тижня штернац войводянски орґанизациї у Новим Садзе основали Женску руралну мрежу Войводини, хтора будзе заступац интереси женох и младих у войводянских валалох.
Предшедуюца сновательного сходу Оливера Радованович зоз Желєней мрежи Войводини виявела же Мрежа жени и младих будзе заступац у шицких сеґментох за злєпшованє условийох живота и творенє лєпшого окруженя за роботу.
– Нашо членїци прешли числени едукациї, роки продукую здраву и безпечну желєняву и овоц, алє им хиби пласман. Од Мрежи обчекуєм же би до конца випровадзела розвой женох и їх поднїмательства и же би им помогла у пласману їх продуктох – гварела Радовановичова.
На сновательним сходзе ґу Мрежи ше придружели у представителє TASCO, нємецкей фондациї „Гайнрих Бел” и Гражданских инициятивох з Беоґраду.