ЖАБЕЛЬ – У рамикох Манифестациї „Жабельски днї“ позавчером у Ґалериї библиотеки „Велько Петрович“ у Жаблю отворена вистава маляра Милана Колбаса.
На отвераню вистави наступел жабельски хор „Пасторала“, рецитаторки Андрияна Чолич и Валентина Михняк зоз Дюрдьова, а Здруженє „Алтруист“ зоз Жаблю у рамику тей вистави мало свою предайну виставу дзецинских ручних роботох.
Милан Колбас дипломовал на Академиї уметносци у Новим Садзе, напрям ґрафика, мал 9 самостойни, участвовал на вецей як 100 колективних виставох и коло 50 подобових колонийох у Сербиї и иножемстве.
Виставу Милана Колбаса отворел теоретичар уметносци и медийох др Здравко Райчетич, а вистава предайного характеру.
