НОВИ САД – Вчера почал робиц Национални дистрибуцийни диспечерски центер (НДДЦ) хтори будзе надпатрац найзначнєйши електроенерґетски обєкти у дитрибуцийней системи Сербиї и на таки способ гражданом и привредним субєктом обезпечи порядне подмирйованє з квалитетну струю.
До набавки потребней опреми уложени коло 180 милиони динари. Центер обезпечи повязованє орґанизацийних цалосцох з дїловного процесу управяня з дистрибуцийну систему, та координацию и синхронизованє роботи обєдинєного оператера дистрибуцийней системи.
Шедзиско НДДЦ у Новим Садзе, шветочно го отворел о.д. директора Явного подприємства Електропривреда Сербиї Милорад Ґрчич, а на отвераню присуствовал и городоначалнїк Нового Саду Милош Вучевич.
