ДЮРДЬОВ – Стреду, 25. децембра, у святочней сали Месней заєднїци Дюрдьов, отримана святочна и явна схадзка Совиту месней заєднїци Дюрдьов, на котрей були присутни и валалчанє.
Схадзку отворела предсидателька Совиту МЗ Дюрдьов Душанка Джамбас котра гуторела цо поробене у тим року, алє и о плану роботи у шлїдуюцим року, а найважнєйши буду реконструованє драгох у валалє и вилїванє дражки за бициґли медзи Жабльом и Дюрдьовом.
После урядовей часци схадзки була музична програма на котрей Етно ґрупа „Василис” зоз Дюрдьова виведла три нумери, два на сербским и єдну на руским язику и отворена вистава малюнкох з тогорочней Подобовей колониї МЗ Дюрдьов. Месна заєднїца пририхтала и коктел за шицких присутних.