ВЕРБАС – Вчера отримана 16. порядна схадзка Скупштини општини (СО) Вербас, на хторей прилапени закончуюци рахунок буджету Општини Вербас за 2014. рок.
Толкуюци закончуюци рахунок, заменїк предсидателя Општини Милан Ґлушац гаврел же у одношеню на 2013. рок, за прешли рок витворени суфициту од 41 милион динари, а як и же ревизия нє мала анї єдну пригварку на трошенє буджету у 204. року.
СО дополнєла сновательни акт ЯКП „Стандард”, а шлїдуюцу схадзку предсидателька вербаского парламенту Маряна Мараш заказала за ютре на 11 годзин, на хторей буду розпатрани и звити о роботи явних подприємствох, установох, службох и орґанизацийох.
Такой после ютрейшей, на пияток на поладнє будзе ище схадзка СО Вербас.