РУСКИ КЕРЕСТУР – Всоботу, 17. януара, на чарди „Лонґов” у Руским Керестуре отримани Бал Фодбалского клубу (ФК) „Русин”, на хторим були терашнї и бувши члени Клубу, члени управи и спонзоре, симпатизере Клубу, як и рукометашки „Русину”.
На Балє додзелєни и припознаня – фодбалерови Дьордьови Букейловичови за найлєпшого ґолґетера у прешлим року, а понеже одходзи з Клубу и за цалосне доприношенє „Русину”, та Керестурцови Любови Хомови, за нєсебичне спонзорство ФК „Русин”.
Госцох на Балє забавял бенд „Томас и Сале”, а окрем богатей томболи, бул орґанизовани и рулет-танєц.