РУСКИ КЕРЕСТУР – У керестурским Ресторанє „Червена ружа” всоботу, 24. януара вечар отримани традицийни Майсторски бал, хтори орґанизує Здруженє ремеселнїкох и приватних привреднїкох Руского Керестура.
На Балє були коло 120 госци, забавял их керестурски „Микс-бенд”, а и того року керестурски ремеселнїки и привреднїки пририхтали богату томболу, векшином своїх продуктох. Три найвреднєйши награди були углова мебель-ґарнитура, двошед и предлужени викенд на Златиборе за єдну фамелию. Перши два спомнути достали госци з Керестура, а трецу госц з Нового Саду.
Тей соботи, 31. януара, у Руским Керестуре, тиж у „Червеней ружи”, будзе Младежски бал.