РУСКИ КЕРЕСТУР – У орґанизациї Здуженя паприґарох „Капсикум анум”, у Руским Керестуре 27. децембра отримана промоция контраченя продукциї паприґи за АТП „Ириґейшн” з Беоґраду.
Як визначел власнїк Миле Радисавлєвич, ґаранция доброго сотруднїцтва з його подприємством то осемрочне искуство у роботи з овоцарами и заградкарами з цалей Сербиї, а заинтересовани є контрачиц и продукцию керестурскей паприґи.
Контраченє за „Ириґейшн” з Беоґраду подрозумює же воно паприґаром обезпечи репроматериял и сиґурни одкуп паприґи другей класи за двох познатих купцох, хторим познати квалитет керестурскей паприґи.
Кед будзе заинтересованих, „Ириґейшн” нєодлуга винєше и конкретне понукнуце цени и шицких условийох, а паприґу годни контрачиц шицки керестурски паприґаре.