Парасти протестовали и у Новим Садзе

автор ртв
795 Опатрене

НОВИ САД – Польопривреднїки зоз Зренянину, Кикинди и Вербасу вчера протестовали опрез Польопривредного факултету у Новим Садзе. Свойо вимоги у вязи зоз Законом о польопривредней жеми жадали придац совитнїкови премиєра и бувшому министрови польопривреди Драґанови Ґламочичови, алє их нїхто нє приял.

Польопривреднїки нєзадовольни з вименками закона уж дзешати дзень за шором пробую з протестами застановиц прилапйованє того акту, бо тримю же є чкодлїви. Повторюю свою вимогу же би Закон такой бул поцагнути зоз скупштинскей процедури.

Польопривреднїки нє одуставаю анї од вимоги же би министерка польоприврди поднєсла задзекованє, а поставяю и питанє яка будучнсоц младих на валалє, кед ше жем да под аренду инвеститором на 30 роки.

Додаваю же их кажди дзень єст вше вецей, польопровреднїки наявюю же идуцого тижня буду протестовац и опрез Покраїнскей влади.

Лидер Лиґи социялдемократох Войводини Ненад Чанак виявел вчера же кед буду прилапени, предложени вименки Закона о польопривредней жеми можу буц жридло нєстабилнсоци у держави.

ПОВЯЗАНИ ТЕКСТИ