РУСКИ КЕРЕСТУР – У рамикох Жимскей школи польопривреди керестурского подприємства „Юарбис”, вчера отримане друге преподаванє на хторим парасти могли чуц понуканя трох компанийох.
Пред ярню шатву, гибриди кукурици „Бц” Институту зоз Заґребу презентовали и понукли представителє їх дистрибутера „Бц гибрици” д.о.о. за продукцию и обток рошлїнох Зомбор.
Свойо понукнуце гибридох кукурици, алє и слунечнїку, дали и представителє компаниї „КВС нашенє”, а свой бренд „Делфин плус” и други фолиялни гної за заградкарство презентовала компания „РМҐ кроп саинс” зоз Суботици.
Преподаваня у рамикох Жимскей школи польопривреди ше отримує кажди пияток на 10 годзин у просторийох „Юарбису” и буду тирвац по конєц фебруара.
