СРИМСКА МИТРОВИЦА – У парохийним доме у Сримскей Митровици всоботу, 2. мая отримана перша креативна роботня за дзеци. Роботню водзел парох о. Владислав Варга, а на нєй дзеци упознати зоз свою виру, церкву, заштитнїком свойого городу, а у рамикох преслави 110-рочнїци грекокатолїцкей церкви у Митровици.
На роботнї присуствовали дзешецеро дзеци, найвецей предшколского и младшого школского возросту, котри у рижних технїкох рисовали церкву, порту и Билого ангела.
З тих, як и рисункох зоз шлїдуюцей роботнї, будзе витворена вистава на Кирбай, 21. мая, на Вознесенє Господнє по юлиянским календаре.
Дзецом у роботи помагали волонтере з Подручней канцелариї Националного совиту Руснацох, як и дїдове дзепоєдних дзецох. Роботнї источашнє и нагода же би ше нашо дзеци у Митровици научело рецитовац и шпивац по руски.