ИНДЇЯ – Прешлей нєдзелї, 13 децембра, у грекокатолїцкей парохиї Успения Пресвятей Богородици у Индїї 20-еро дзеци прияли Першу св. Причасц.
Церква була нєзапаметано полна з вирнима на Архиєрейскей Служби Божей, хтору предводзел владика Георгий, а по Служби владика каждому дзецку подзелєл памятки на тоту значну подїю у їх живоце – обращики и пацерки.
Дзеци за Першу Причасц пририхтала ш. Георгия з Нового Саду, а всоботу вечар пред Першу Причасцу, дзеци и їх родичох споведали владика Георгий и о. Варга зоз Сримскей Митровици.