Ґимназия у Руским Керестуре 2010. року означела 65 роки од свойого снованя. Уж теди, 1945. року, у шейсцох оддзелєньох Ґимназиї (двох перших, двох других и двох трецих класох) були скоро 170 школяре. Попри Керестурцох, там були двацецеро школяре з Коцура, 15 з Дюрдьова, и 20 зоз Сриму, найвецей з Миклошевцох…
Перши директор Ґимназиї бул професор Гавриїл Г. Надь, а наставу ґимназиялцом 1945. року преподавали Петро Ризнич Дядя, Антон Спишевски, Стеван Ґера, Штефан Чакан, Радмила Рис, Яша Баков, Йовґен Джуня, Мафтей Винай, Йовґен Планчак и Дарина Молдованович.
Настава була на руским язику. Тот перши школски рок тирвал од 25. фебруара по конєц юния.
На фотоґрафиї: школяре першей ґенерациї ґимназиялцох IIIа класи: горе – Владимир Такач, Онуфри Иван, Василь Мудри, Яков Хромиш, Михал Канюх, Мирон Дудаш, Яким Будински, Янко Надьфеї и Дюра Такач; други шор – Амалия Шайтош, Любка Кираль, Олґица Колбас, наставнїца и класна Радмила Рис, Лела Голик (?), ? ? и Надежда Новта; треци шор – Михал Горняк, Мария Сабадош, Ирина Иван, Серафина Малїк, Мелания (Аранка) Канюх, Ирина Раґаї и Любо Винаї; штварти шор долу – Микола Винаї, Яким Варґа и Янко Дудаш.
На фотоґрафиї нєт Штефана Гудака котри тиж з нїма ишол до тей класи.
Школяре IIIб класи: горе – Мирон Колошняї, Владо Папуґа, Янко Рац, Святослав Надь, Владо Катрина, Янко Павлович, Владо Иван и Любомир Сопка; други шор – Славка Катона, Ксения Чижмар, Емилия Костелник, професор Петро Ризнич, Еуфемия Новта, Ана Малацко и Верунка Гафич; треци шор – Владимир Монар, Леона Ковач, Ирина Сеґеди, Мария Арт, Мария Баран и Владимир Сивч; штварти шор долу – Владимир Будински, Владимир Новта, Янко Папбиркаш, Любомир Хромиш, Яким Монар и Владо Шпрох.
Перша ґенерация школярох рускей ґимназиї, IIIб класа