Перше пририхтуюце змаганє Русин страцел з 2:3

автор зам/влс; фото влс
901 Опатрене

РУСКИ КЕРЕСТУР – Внєдзелю, 17. юлия, фодбалере рускокерестурского Русину одбавели перше пририхтуюце змаганє пред нову сезону у новей лиґи и на домашнїм терену страцели од ФК Кула з 2:3.

Ґоли за Русин дали Дюканович и Денис Гарди з пеналу, а як гварел тренер Русину Златко Саянкович, на тим першим змаганю дата шанса и младшим бавячом, а преверене и як ше уклопели помоцнєня Русину, нови бавяче Срдян Дюканович з Кули, та Ненад Кончар и Радманович з Червинки.

Русин такой тей нєдзелї, 24. юлия, бави и друге пририхтуюцей змаганє и на своїм Ярашу дочекує Славию з Пиньвиц.

(На фотоґрафиї нови бавяче Русину – Кончар, Дюканович и Радманович).

ПОВЯЗАНИ ТЕКСТИ