РУСКИ КЕРЕСТУР – У Руским Керестуре першираз будзе отримани Фестивал традицийних руских єдлох „Смаки традициїˮ на соботу, 4. юния, од 14 по 21 годзин.
Фестивал будзе отримани коло Спортскей гали, а заинтересовани того дня годни покоштовац и купиц рижни файти сладких и сланих традицийних руских єдлох. Окрем домашнїх, на фестивалу буду участвовац и госци зоз Кули хтори на окремних штандох презентую свойо традицийни українски и мадярски єдзеня.
Ґу тому, у пополадньових годзинох нащивителє годни уживац и у наступу КУД „Иван Сенюкˮ зоз Кули, оркестру Дома култури Руски Керестур, як и дзецинских шпиванкох младших фолклорашох, а у рамикох того фестивалу запланована и промоция кнїжки „Мацерова руска кухаркаˮ, хтору нєдавно видала Новинско-видавательна установа „Руске словоˮ.