Побиднїки млади фодбалере з Коцура

автор сас
710 Опатрене

ДЮРДЬОВ – Всоботу, 18. юния, у рамикох Спортских бавискох (СБ) „Яша Баков” на фодбалским страдионє ФК „Бачка 1923” у Дюрдьове отримане змаганє у вельким фодбалу за пионирох з фодбалских клубох з наших местох.

Змагали ше штири екипи пионирох возросту основней школи, а перша була ФК „Искра” з Коцура, котра у финалу, на пенали – 4:2 – победзела ФК „Русин” з Руского Керестура.

Треце место завжали домашнї з ФК „Бачка 1923”, а штварте ФК „Славия” з Нового Орахова.

После змаганя у будинку „Бачкей” предсидатель СБ Иван Папуґа побиднїком уручел медалї, там бул и заєднїцки полудзенок, а идуце змаганє, у рамикох СБ, у одбойки, будзе того тижня у Руским Керестуре.

19-SB-02

ПОВЯЗАНИ ТЕКСТИ