РУСКИ КЕРЕСТУР – Орґанизацийни одбор Двацец другей Културней манифестациї „Костельникова єшень” концом прешлого тижня до наших КУД-ох послал поволанку за приявйованє учашнїкох на традицийне Стретнуце рецитаторох у рамикох „Костельниковей єшенї”.
Як и дотераз, Стретнуце рецитаторох будзе у Кули, у нєпоштредней орґанизациї Руского КУД „Др Гавриїл костельник”, а того року будзе отримане 21. новембра (собота) на 15 годзин у голу ОШ „Петефи бриґада”.
Прияву за участвованє рецитаторох з наших местох (з потребнима податками) треба послац найпознєйше по 10. новембер на е-адресу Дому култури Руски Керестур – kerestur@mts.rs лєбо на тел/факс (025) 703-032 и 703-357.
Тогорочна Културна манифестация „Костельникова єшень” будзе од 6. по 21. новембер у вецей наших местох.