ИНДЇЯ – У парохиї Успения Пресвятей Богородици у Индїї, влонї покресцени два особи, умарли штири, а винчаних нє було.
Маюци у оглядзе ситуацию у дружтве, и искуства у парохийох других вирских заєднїцох, парох индїйски о. Петро Дутка гварел же є заш лєм задовольни зоз станом духовного живота.
– Каждей нєдзелї коло дзешец-петнац особи ше причащаю и людзе порядно приходза до нашей церкви, з тим же млади менєй пре школски и студентски обовязки, а заняти у приватних поднїмательох часто през викенд робя, цо значи же им проблем присц и до церкви – гварел о. Дутка.
У Индїї єст коло 95 обисца, а вєдно з Люковом, Бешку и Земун Польом, єст коло 120 грекокатолїцки обисца.