ЗОМБОР – Ґимназия „Велько Петрович” зоз Зомбора тих дньох отворела конкурс за виробок плакати з назву „Животни стил – без доганского диму”, на хторим можу участвовац школяре и школярки ґимназийох зоз Заходнобачкого округу и двох сушедних округох з хторима Зомбор отримує реґионалне медзинародне сотруднїцтво – Осиєку з Горватскей и Баї з Мадярскей.
Роботи муша буц ориґинални дїла єдного автора, число роботох нєогранїчене, а материял и технїка за виробок шлєбодни.
Идейне ришенє плакати мож послац по 29. фебруар у подобовей, лєбо диґиталней форми, а шветочне додзельованє наградох и отверанє вистави будзе 14. марца у Зомборе.
Роботи мож послац по пошти, на адресу: Ґимназия „Велько Петрович” Зомбор, Доситея Обрадовича 2, 25 000 Зомбор, з назначеньом „За подобови конкурс”, лєбо на е-адресу – gimsokonkurs@gmail.com
Вецей информациї мож достац на 025/42-03-27, лєбо на спомнутей е-адреси.