НОВИ САД – Представителє 11 факултетох, трох високих школох, та студентских домох у Новим Садзе, Суботици и Зренянину вчера од Покраїнскей влади прияли контракти о софинансованю роботох за злєпшанє стандарду у високошколским образованю у 2016. року, вкупней вредносци 35,8 милиони динари.
Средства звекшого наменєни за софинансованє чечуцих оправкох и отримованє будинкох, обєктох и опреми у установох високого образованя
Контракти им уручели предсидатель Покраїнскей влади Иґор Мирович и покраїнски секретар за високе образованє и наукововиглєдовацку дїялносц Зоран Милошевич, а з тей нагоди Мирович наявел же Покраїна убудуце вельо вецей уваги пошвеци конкретним проблемом на факултетох и високих школох Универзитету у Новим Садзе.