БЕОҐРАД – По ступаню на моц вименкох Закона о польопривредней жеми, Асоцияция польопривреднїкох сообщела же вименки буду ище чкодлївши кед ше польопривреднїком нє да нагоду участвовац у одлучованю о даваню на хаснованє жеми, хторе ше приноши на локалним уровню зоз согласносцу ресорного министерства.
Вименки Закона медзи иншим предвидзую же вецей правни особи можу вжац под аренду до 30 одсто державней жеми у каждей општини на 30 роки.
Польопривреднїки указали же прешлого року субвенциї за державну жем утаргнути, а субвенциї за потримовку рошлїнскей продукциї зменшани зоз 100 гектари на найвецей 20 гектари. Вони твердза же остали очкодовани за вецей як 9,5 милиярди еври, а длуства у статкарстве тиж вельки.
Асоцияция польопривреднїкох сообщела же нови вименки Закона о стимулох у польопривреди оможлївюю їх зменшанє, та су нє сиґурни же Министерство польопривреди досц фахове и способне запровадзиц вименки и спомалшиц напущованє валалских штредкох.