РУСКИ КЕРЕСТУР – У ОШ „Петро Кузмяк” з Руского Керестура 17. мая отримани математични Квиз „Математика през бависко”, на хторим ше змагали школяре 3. и 4. класи з керестурскей и ОШ „Петефи бриґада” з Кули.
Лєпши були домашнї школяре, понеже перше место завжала 3. класа домашнєй школи. Змагали ше по два штирочлени екипи з обидвох класох и обидвох школох, а найлєпши достали пригодни дарунки и дипломи.
Керестурска ОШ уж треци раз орґанизує таке змаганє у маю, хтори пошвецени популаризованю математики през бависко, и у тим сотрудзує зоз спомнуту кулску школу.
Координаторка змаганя професорка Леона Сабо, задатки составя матуранка Ґимназиї Соня Кнежевич, а у жирию були професорка математики Татяна Бучко Рац и педаґоґиня Мария Шанта.