Потримовка польопривреднїком прейґ конкурсох и фондох

автор сен
912 Опатрене

НОВИ САД – Держава муши вецей укладац до польопривреди и поживовей индустриї, гварел покраїнски секретар за польопривреду, водопривреду и лєсарство Бранислав Боґарошки на науково-фаховим стретнуцу на Польопривредним факултету у Новим Садзе. З тей нагоди наявел же у марцу буду розписани конкурси з обласци польопривреди и векшина буду тирвац по септембер.

Окрем з буджету Покраїнского секретарияту за польопривреду, за потримовку польопривреднїком у Войводини значни и три фонди: Розвойни фонд Войводини, Ґаранцийни фонд и Покраїнски фонд за розвой польопривреди.

Буджет Покраїнского секретарияту за польопривреду 7 милиярди динари, а коло милиярда наменєна реґистрованим польопривредним ґаздовством.

– Предлужиме з праксу финансованя инвестицийох по принципу „динар на динар”, а инвестициї финансуєме од 30 до 60 одсто. За напредованє и розвой польопривреди важне же би ше шицки трошки могло предвидзиц, та так и мири потримовки польопривреди длугорочни, же би польопривреднїки могли плановац свойо активносци за чечуци, алє и за идуци роки – гварел Боґарошки.

ПОВЯЗАНИ ТЕКСТИ