НОВИ САД – У Театру младих отворена манифестация „Новосадски дзецински зимзариї”, а по 14. януар, по конєц жимского школского розпусту, дзеци годни нащивиц вецей як 100 креативно-едукативни и спортско-рекреативни змисти на 20 розличних локацийох.
На отвераню наступели дзеци з Хору „Чаривни пищалки” и Танєчней школи „Цитя данце”, та мала стенд-ап комичарка Луна Савана Алимпич. Отримани и Базар креативних роботньох, на хторим ше представели институциї и орґанизациї хтори пририхтали змисти тей манифестациї.
Член Городскей ради за културу Ваня Вученович на отвераню гварел же Город у наиходзацим периодзе планує оформиц дзецински културни центер и поручел же „Новосадски дзецински зимзариї” значни за Нови Сад, та предлужи потримовац отримованє манифестациї.