РУСКИ КЕРЕСТУР – На пияцу у Руским Керестуре вчера почало заменьованє плочох на столїкох, а будзе положена и капура на уход до пияцу од улїци И. Л. Рибара (Нового шору).
На пиячни столїки буду поставени штерацец нови камени плочи, залїпени и зашрубовани, а стари, з векшей часци дослужени 30-рочни бетонски плочи, пред тим познїмали роботнїки ЯКП „Руском”.
По словох предсидателя Совиту Месней заєднїци Владимира Олеяра, тота инвестиция кошта 500 000 динари, а пенєж обезпечени з месного самодоприносу.
За окончователя роботох по явней набавки, хтору розписала Општинска управа Кула, вибрана Самостойна роботня „Каменорезац” Владимира Малацка з Керестура.
Поставянє нових плочох на пиячни столїки би мало буц закончене до конца тижня, по соботу, кеди главни пияц у валалє.