НОВИ САД – На ютре при новосадским СПЕНС-у на 10 годзин будзе урядово отворени Дино-парк, хтори мож нащивиц уж нєшка. На отвераню будзе карневалска процесия, хтору буду предводзиц Гаос-аниматоре, наступи Дино-хор, а орґанизаторе наявели богату програму за дзеци.
У Дино-парку поставени 24 реплики диносаурусох, спомедзи хторих векшина мултимедиялни. Дзеци годни уживац у рижних провадзацих змистох, як цо то простор виполнєти з писком (у хторим мож викоповац фосили диносаурусох), потим адреналин-парк и театер, 12 Д биоскоп и други.
По урядове отверанє уход до Дино-парку задармо. Од викенду ше карти будзе предавац по 200 динари за дзеци и 300 динари за одроснутих. За ґрупни нащиви з вецей як 20 особами попуст 10 одсто.