НОВИ САД – Вчера у Новим Садзе почал Шветови фестивал „Тамбурка фест”, осми по шоре, а тирва по соботу, 27. юний.
У змагательней конкуренциї на Фестивалу наступя 11 тамбурово оркестри зоз седем деражвох (Сербия, Мадярска, Горватска, Македония, Словения, Австрия и Босна и Герцеґовина, односно Република Сербска), а як госци у ревиялней часци програми наявени Звонко Боґдан, Желько Бебек и Желько Самарджич.
Як окремну атракцию Фестивалу орґанизаторе наявюю наступ Ансамблу младих виртуозох орекестру народних инструментох Русиї „Н.П. Осипов” и членох Московскей филгармониї, з вокалну солистку Дашу Кубцову, котри на програми на соботу вечар.
У рамикох Фестивалу вчера отримани и Други конґрес шветовей тамбуровей асоцияциї, у чиїх рамикох бул и наукови сход з обласци етномузиколоґиї.