ДЮРДЬОВ/ҐОСПОДЇНЦИ – Од нєшка, 18. априла, у шицких местох жабельскей општини и у хотарох почина пирсканє процив клїща, з УЛВ-методу жимного замолгованя.
У Дюрдьове буду попирскани часци Мертва Тиса-Врбица, Мутняча, потим коло каналу Девень и бавилїще на Телепу.
У Ґосподїнцох пирсканє будзе коло Авионского кридла, на малим бавилїщу и парку, желєзнїцким парку, бавилїщу на концу улїци Вука Караджича и коло Велькей бари.
Спозорює ше почоларох же препарати отровни за пчоли, та кошнїци най преложа найменєй 5 километреи од местох пирсканя.
Пирсканє процив клїща будзе по стреду, 20. априла.