Пошвидко почнє розчисцованє зруйнованого будинку РТВ на Мишелуку

автор зам
942 Опатрене

НОВИ САД – У Покраїнскей влади вчера подписани контракт о преношеню средствох за финансованє проєкту „Вибудов дїловного обєкту Явней медийней установи Радио-телевизиї Войводини”, з хторим Управа за капитални укладаня АП Войводини опредзелєла 195 милиони динари за трошки валяня и скланяня остаткох постояцого обєкту РТВ на Мишелуку, дзе будзе вибудовани нови.

У присустве предсидателя Покраїнскей влади Иґора Мировича и предсидателя Управного одбору ЯМУ РТВ др Йову Радича, контракт подписали директор Управи за капитални укладаня АПВ Неделько Ковачевич и директор ЯМУ РТВ Миодраґ Копривица. Пенєж за спомнуту намену обезпечени з ребалансом буджету АПВ за тот рок.

Як з тей нагоди поведзене, валянє бомбардованого будинку и пораєнє простору перши крочай ґу будованю нового будинку за РТВ, як єдней з найзначнєйших институцийох у Войводини.

Идуцого тижня би мали буц закончени нєобходни документи за розписованє тендеру за вибор виводзача роботи, а обчекує ше же остатки старого будинку буду розчисцени за даскельо мешаци.

ПОВЯЗАНИ ТЕКСТИ