РУСКИ КЕРЕСТУР – У Руским народним театру (РНТ) „Петро Ризнич Дядя” при концу пририхтованє ище єдней представи у сезони 2015/16 – комедиї Джона Ортона „Цо видзела послуга”, у режиї Владимира Надя Ачима.
Будзе то 25. проєкт нашого националного театру, а нова представа витворена з финансийну потримовку снователя РНТ – Националного совиту Руснацох.
У представи бавя шесцеро, нашей публики уж добре познати ґлумци, а премиєра представи „Цо видзела послуга” будзе идуцого викенду, на нєдзелю, 31. януара, у Руским Керестуре.