СРИМСКА МИТРОВИЦА – На Всеночне у Сримскей Митровици на Вилїю пришли велї вирни, а числени дзеци пришли Крачун винчовали и парохови зоз колядами у правей фамелийней крачунскей атмосфери.
На Перши дзень Крачуна Служба почала на 11 годзин, а у преполней церкви були и вирни зоз Латярку, Нового Саду, Индїї и других местох. Красне число дзецох винчовало коло традицийного вертепу под ядловцом, за цо достали и красни дарунки од пароха.
Службу служел домашнї парох о. Владислав Варґа, а зоз нїм служел и ґенерални викар сримского владичества пречасни Едвард Шпанович, парох Сримскей Митровици и нєдавно поставени за пароха до Латярку и Бинґули паноцец Ивица Зрно. После казанї на трох язикох и пречитаней владиковей винчованки, було и мированє. По традициї, у тей парохиї ше под час Служби шпиваю даєдни коляди, цо велїм присутним оможлївює дожиц праву крачунску атмосферу.
Идуци два днї швета Служби Божо буду як звичайно – на 10 годзин зоз мированьом.