НОВИ САД – У просторийох кнїжкарнї „Мост” у Новим Садзе вчера вечар отримана промоция кнїжки поезиї по руски и по сербски „До глїбинох запатрени – У дубине загледани” Сонї Папуґа Андєлич и Боривоя Андєлича.
О кнїжки на промоциї бешедовали Гелена Медєши, лекторка за руски язик, Єлена Данко, професорка литератури, Мирослав Иванишевич, подобови уметнїк и критичар, и авторе.
Кнїжку видало подприємство „Пресинґ” з Младеновцу, у сотруднїцтве з Мултикултуралним данско-славянским здруженьом, а приход од предаваня кнїжкох будзе наменєни дзецом цо маю ридку хороту – цистичну фиброзу.